12/20/12

തുമ്പി

                                                                                                                                                


                                           


              അനിതപ്രേംകുമാര്‍, ബാംഗ്ലൂര്‍



ഞാനൊരു  കൊച്ചു തുമ്പി.
കല്ലെടുക്കുക  എന്‍റെ ജോലിയേയല്ല.
എന്നിട്ടും  നിങ്ങളെന്നെക്കൊണ്ട് കല്ലെടുപ്പിക്കുന്നു,
കണ്ടു  നിന്നു രസിക്കുന്നു.

എനിക്കിഷ്ടം, 
ആകാശത്ത് പറന്നു നടക്കാന്‍,
മൂളിപ്പാട്ട് പാടാന്‍,
നൃത്തം ചെയ്യാന്‍.

കല്ലെടുക്കാന്‍  തയ്യാറാണെന്ന്, ഞാനാരോടും പറഞ്ഞിട്ടില്ല.
എന്നിട്ടും !എന്‍റെ വാലില്‍ പിടിച്ചു വച്ചിരിക്കുന്നു,
ഞാന്‍ കൈ കാലിട്ടടിക്കുന്നത്
കൌതുകത്തോടെ നോക്കി നില്‍ക്കുന്നു,

എങ്കിലും  ഞാന്‍ നിങ്ങളെ സ്നേഹിക്കുന്നു.
വാലില്‍ മുറുകെ പിടിച്ചപ്പോഴും,
വേദനകൊണ്ട്  പുളഞ്ഞപ്പോഴും ,
ഒരിക്കല്‍ പ്പോലും ഞാന്‍ നിങ്ങളെ കടിച്ചില്ലല്ലോ!

ഞാനൊരു കൊച്ചുതുമ്പി,
കല്ലെടുക്കുക എന്‍റെ ജോലിയേയല്ല.
എന്നിട്ടും  നിങ്ങളെന്നെക്കൊണ്ട് കല്ലെടുപ്പിക്കുന്നു!
കണ്ടു  നിന്നു രസിക്കുന്നു!

-------------------------------------------------------------------------------------------------------
ഓഫീസിലും വീട്ടിലുമായി മുഴുവന്‍ സമയവുംജോലി ചെയ്ത്, സ്വന്തം ഇഷ്ടാനിഷ്ടങ്ങള്‍ക്ക് സമയം കണ്ടെത്താനാകാത്ത വനിതകള്‍ക്ക് വേണ്ടി ഇത് സമര്‍പ്പിക്കുന്നു.

13 comments:

  1. തുമ്പി മനസ്സ് ..
    ഒരു താളത്തില്‍ ചൊല്ലുമ്പോള്‍ ഒരു കുട്ടിക്കവൈതയുടെ ഫീല്‍ ഉണ്ട്...

    ReplyDelete
  2. കുട്ടിക്കവിത :) കുറച്ചുകൂടി നന്നാകാമായിരുന്നു വരികള്‍ .

    ReplyDelete
  3. തട്ടിക്കൂട്ടിയ കവിതയാന്നേ. എനിക്ക് ജോലി ചെയ്യാനുള്ള മടി അറിയിച്ചതാ.

    ReplyDelete
  4. തുമ്പിപ്പാട്ട്

    ReplyDelete
  5. വേണമെങ്കില്‍ ചിന്തിക്കാം തുമ്പിക്കും ഇല്ലേ
    വേദനകള്‍ ...ഒന്ന് കൂടി ഒടിച്ചു മടക്കി ചവിട്ടി കൂട്ടി
    ചെറുതാക്കാം ..ഇനിയും പോരട്ടെ ..

    ReplyDelete
  6. ഇത് ഒരു നല്ല ചൊല്ലു കവിതയാക്കാമായിരുന്നു അല്ലേ

    ReplyDelete
  7. തുമ്പികളെ ആളുകള്‍ക്ക് വളരെ ഇഷ്ടമാണ്, തുംബികലാകാനും ഇഷ്ടമാണ് എന്ന് തന്നെ ധരിക്കണം, ചുറ്റും നോക്കുമ്പോള്‍എനിക്കും തോന്നുന്നു ഞാനും ഒരു തുംബിയാനെന്നു, അവര്‍ എന്നെ സൂക്ഷിച്ചു നോക്കുന്നു, ഞാന്‍ അവരെക്കൊണ്ടു കല്ലെടുപ്പിക്കുന്ന പോലെ!
    ആശംസകള്‍ !

    ReplyDelete
  8. തുമ്പികളെ ആളുകള്‍ക്ക് വളരെ ഇഷ്ടമാണ്, തുംബികലാകാനും ഇഷ്ടമാണ് എന്ന് തന്നെ ധരിക്കണം, ചുറ്റും നോക്കുമ്പോള്‍എനിക്കും തോന്നുന്നു ഞാനും ഒരു തുംബിയാനെന്നു, അവര്‍ എന്നെ സൂക്ഷിച്ചു നോക്കുന്നു, ഞാന്‍ അവരെക്കൊണ്ടു കല്ലെടുപ്പിക്കുന്ന പോലെ!
    ആശംസകള്‍ !

    ReplyDelete
  9. പറഞ്ഞു വരുമ്പോള്‍ എല്ലാവരും ഒരു തുമ്പിയല്ലേ ജീവിതത്തില്‍ ... പലസമയങ്ങളിലായി ... ???

    ReplyDelete
  10. പ്രവീണ്‍, ജീ ശരിയാണ്. എന്‍റെ ചിന്തകള്‍ക്കും കൂട്ടുകാരുണ്ടാവുന്നു! ഒരുപാടു നന്ദി.

    ReplyDelete
  11. തുമ്പിയുടെ വേദനകള്‍....!!
    കൊള്ളാം ... വീണ്ടും വരാം ഈ വഴിക്ക് ...

    ReplyDelete
    Replies
    1. വന്നതിനും വായിച്ചതിനും നന്ദി.വീണ്ടും തീര്‍ച്ചയായും വരണം
      അനിത

      Delete
  12. തുമ്പിയ്ക്കും വേദനിക്കും ......

    ReplyDelete